राष्ट्रमाता जिजाऊ चौक, स्मारक उभारणे, सुशोभिकरण संदर्भात आमदार संजय शिरसाट यांचे मुख्यमंत्र्यांना निवेदन

लाईव्ह महराष्ट्र न्यूज नेटवर्क | दि. ११    

छत्रपती संभाजीनगर | राष्ट्रमाता जिजाऊ जयंती महोत्सव समितीयांच्यावतीने छत्रपती संभाजीनगर शहरातील एक प्रामुख्याने मुख्य प्रवेद्वाराला राष्ट्रमाता जिजाऊ चौक, स्मारक उभारणे व सुशोभिकरण संदर्भात आमदार संजय शिरसाट यांच्याकडे मागणी केली होती. त्याअनुषंगाने पश्चिम विधानसभा मतदारसंघाचे आमदार संजय शिरसाट यांनी राज्याचे मुख्यमंत्री एकनाथ शिंदे यांची भेट घेऊन या संदर्भात निवेदन दिले. छत्रपती संभाजीनगर जिल्हा जिजाऊ जन्मोत्सव समितीने केलेल्या मागणीनुसार  मुख्यमंत्री एकनाथ शिंदे यांच्याकडून राष्ट्रमाता जिजाऊ माता यांच्या स्मारक उभारणे व सुशोभिकरण करण्याविषयी संबधीत अधिकारी यांना अ प्रमाणे तात्काळ प्रस्ताव सादर करावा अशा सुचना करण्यात आल्या.

याप्रसंगी आमदार संजय शिरसाट यांनी दिलेल्या निवेदनात छत्रपती संभाजीनगर शहरातील एक प्रामुख्याने मुख्य प्रवेशद्वाराला राष्ट्रमाता जिजाऊ जयंती महोत्सव समिती, छत्रपती संभाजीनगर यांच्या वतीने राष्ट्रमाता जिजाऊ चौक असे मागणी केलेली आहे. सदर चौकात राष्ट्रमाता जिजाऊ माता यांचे स्मारक उभारणे व सुशोभिकरण करणे याचा प्रस्ताव महानगरपालिकेने पारित केला आहे. राष्ट्रमाता जिजाऊ माता जयंती निमित्त शहरातील नागरिक मोठ्या संख्येने या चौकात कार्यक्रमास उपस्थित राहतात. तरी राष्ट्रमाता जिजाऊ माता यांचे स्मारक उभारणे व सुशोभिकरण करणे या कामांसाठी रु. ५ कोटी निधी उपलब्ध करुन देण्यात यावा व सदर काम सार्वजनिक बांधकाम विभाग, छत्रपती संभाजीनगर (औ.बाद) या यंत्रणेमार्फत करण्यात यावे असे म्हटले आहे.