जुलै महिन्यात मंत्रिमंडळाचा विस्तार होणार ; छत्रपती संभाजी नगरात उपमुख्यमंत्री देवेंद्र फडणवीस यांचा दावा
लाईव्ह महराष्ट्र न्यूज नेटवर्क | दि.३०
छत्रपती संभाजी नगर | संपूर्ण राज्याचे आणि राजकीय वर्तुळाचे लक्ष लागलेल्या मंत्री मंडळाचा विस्तार येत्या जुलै महिन्यात होईल असा ठाम दावा उपमुख्यमंत्री देवेंद्र फडणवीस यांनी छत्रपती संभाजी नगर यांनी शुक्रवारी (दि.३०)केलाय.
मंत्री मंडळ विस्तार कधी होणार असा प्रश्न वारंवार उपस्थित करून विरोधक सत्ताधारी पक्षाला कोंडीत पकडल्याचे चित्र राजकीय वर्तुळात दिसून येत असून हा तिढा केव्हा सुटणार याकडे उपमुख्यमंत्री यांनी राज्याचे लक्ष वेधले आहे. छत्रपती संभाजी नगर मध्ये विविध विकासकामांच्या उद्घाटनासाठी उपमुख्यमंत्री देवेंद्र फडणवीस हे छत्रपती संभाजी नगर मध्ये आले असता विमानतळावर माध्यम प्रतिनिधींनी मंत्रिमंडळाचा विस्तार कधी होणार असा प्रश्न उपस्थित केल्या नंतर उपमुख्यमंत्री देवेंद्र फडणवीस यांनी मिश्कील पणे पत्रकाराना उत्तर देतांना केंद्राचा आणि राज्याच्या मंत्री मंडळ विस्तारात कोणताही आपापसात संबंध नाही. त्यामुळे एव्हढे स्पेसिफिक कोणी बोलत नाही कधी असा चिमटा काढत केंद्राचा मंत्री मंडळ विस्तार केव्हा होईल हे मला माहित नाही मात्र मला राज्याच्या मंत्रिमंडळात जास्त इंटरेस्ट असल्याने मुख्यमंत्री एकनाथ शिंदे हे याबाबत निर्णय घेतील असे सांगत जुलै महिन्यात राज्याच्या मंत्री मंडळाचा विस्तार होईल. शिंदे फडणवीस सरकारला ३० जून रोजी एक वर्ष पूर्ण झाले असून उपमुख्यमंत्री फडणवीस छत्रपती संभाजी नगर जिल्ह्यातील विविध विकास कामांचे उद्घाटन करण्यासाठी दाखल झाले आहे. यावेळी त्यांच्या समवेत केंद्रीय अर्थ राज्य मंत्री डॉ. भागवत कराड, सहकार मन्त्री अतुल सावे, आमदार नारायण कुचे, भाजप शहराध्यक्ष शिरीष बोराळकर, माजी उपमहापौर राजू शिंदे यांची उपस्थिती होती.
