गृहनिर्माण मंत्री अतुल सावे यांच्या हस्ते स्वाभिमान क्रीडा मंडळाचे दुर्गा पूजन ; एन ३ रास दांडियाची उत्साहात सुरुवात ; प्रमोद राठोड यांचे आयोजन

लाईव्ह महराष्ट्र न्यूज नेटवर्क | दि. १६

छत्रपती संभाजीनगर | गेली १३ वर्ष अखंडरित्या शहरातील देवीभक्त तसेच दांडियापटूंच्या सहभागाने यशस्वीरित्या स्वाभिमान क्रीडा मंडळाच्या वतीने आयोजित एन-३ रास दांडिया प्रतिवर्षी प्रमाणे याही वर्षी नवरात्र उत्सव भारतीय संस्कृती आणि परंपरेनुसार लोकसहभागाने पारंपारिक पद्धतीने साजरा करण्यात येत असून मंडळाच्या दुर्गा मातेचे पूजन आणि आरती रविवारी (दि.१५) राज्याचे गृहनिर्माण मंत्री अतुल सावे यांच्या हस्ते करण्यात आली. याप्रसंगी स्वाभिमान क्रीडा मंडळाचे संस्थापक अध्यक्ष प्रमोद राठोड, उपाध्यक्ष धनंजय अतकरे, सचिव विशाल दाभाडे, माजी नगरसेविका माधुरी अदवंत, बालाजी मुंढे, विवेक राठोड, यांची उपस्थितीत होती.

शिवछत्रपती महाविद्यालया समोरील गरबा मैदानावर आयोजित करण्यात आलेल्या या रास दांडियाची सुरुवात गृहनिर्माण मंत्री अतुल सावे म्हणाले कि, तीन वर्षानंतर आपल्याला हा नवरात्रोत्सव साजरा करण्याची संधी मिळाली आहे. त्यामुळे सर्व दुर्गा भक्तांनी हा नवरात्र उत्सव शांततेत साजरा करावा. उत्कृष्ट नियोजन करून प्रमोद राठोड यांनी नवरात्र रास दांडियाचे आयोजन केले आहे. सर्व दांडिया प्रेमींनी यामध्ये सहभागी व्हावे असे आवाहन करत नवरात्र उत्सवाच्या शुभेच्छा दिल्या. स्वाभिमान क्रीडा मंडळाचे संस्थापक अध्यक्ष प्रमोद राठोड म्हणाले कि, गेल्या तेरा वर्षापासून एन-३ रास दांडियाचे उत्कृष्टरित्या आयोजन करण्यात येत आहे. त्यामुळे पारंपारिक संस्कृतीलाच आमचे प्राधान्य आहे. हा रास दांडिया मराठवाड्यातच नव्हे तर संपूर्ण महाराष्ट्रभर लोकप्रिय झालेला असून तरुणाईने आणि दांडिया प्रेमींनी पारंपारिक वेषभूषेतच या रास दांडियामध्ये सहभागी व्हावे. तर उपाध्यक्ष धनंजय अतकरे म्हणाले की, महाराष्ट्राची संस्कृती, परंपरा जोपासत दांडियाप्रेमींसाठी या रास दांडियाचे आम्ही सातत्याने यशस्वीरित्या आयोजन करीत आहोत. त्यामुळे महिला, तरुण, तरुणींचा आम्हाला चांगला प्रतिसाद मिळतो असे त्यांनी यावेळी स्पष्ट केले. संदीप काळे यांची अद्ययावत ध्वनी व्यवस्था तसेच मनोज बोरा यांच्या सिध्दी डेकोरेटर्स च्या वतीने करण्यात आलेली आकर्षक स्टेज व्यवस्था हे या रास दांडियाचे मुख्य वैशिष्ट असून ९ दिवस हा रास दांडिया उत्तरोत्तर रंगणार आहे.

याप्रसंगी मुख्य व्यवस्थापक प्रदीप राठोड, उत्सव समितीचे अध्यक्ष समीर लोखंडे, कार्याध्यक्ष अमरसिंग ठाकूर, उपाध्यक्ष अभिजित खरात, नितेश टेकाळे, सचिव विक्रांत पंजाबी, जीवन रौंदळ, पंकज परदेशी, रऊफ पठाण, प्रसिद्धी प्रमुख सचिन लीला सुखदेव अंभोरे, यांची उपस्थिती होती.  सिद्धी डेकोरेटर्स चे मनोज मामाजी बोरा, संदीप साऊंड चे संदीप काळे, छायाचित्रकार नितीन शेजूळ, यांची उपस्थिती होती.  गायिका डॉ.प्रिया नरवडे, गायक कुणाल वराळे आणि गायक संदीप चाबुकस्वार यांच्या बहारदार स्वरांवर पहिल्याच दिवशी गर्दी करत दांडिया प्रेमी थिरकली. या रास दांडिया उत्सवात नियमित खेळणार्‍या दांडियापटूंंना, विशेष वेशभुषा, बेस्ट स्टॅमिना, बेस्ट परफॉर्मर, उत्कृष्ट दांडियापटू, बेस्ट कपल ची निवड परिक्षकांद्वारे करुन डॉ.अंजली कराड, डॉ.खेडकर यांच्या हस्ते बक्षीस देण्यात आले. या रास दांडियाचे बहारदार सूत्र संचालन प्रसिद्धी प्रमुख सचिन लीला सुखदेव अंभोरे यांनी केले. नवरात्रउत्सवात पोलिस प्रशासनाच्या सहकार्याने महिला व मुलींची विशेष सुरक्षाव्यवस्था करण्यात आली असून प्रवेशीकेद्वारेच दांडियापटूंंना या एन-3 रास दांडियात सहभागी होता येणार आहे. रास दांडिया खेळणार्‍या तसेच याठिकाणी भेट देणार्‍या प्रत्येकांसाठी खाद्य दालनांची व्यवस्था करण्यात आली आहे. दररोज असणाऱ्या या पारंपारिक रास दांडियात सहभागी होऊन रास दांडिया खेळण्याचे आवाहन स्वाभिमान क्रीडा मंडळाच्या वतीने  करण्यात आले आहे.