अभिजित देशमुख यांची राष्ट्रवादी काँग्रेस च्या शहराध्यक्षपदी नियुक्ती ; तरुण कार्यकर्त्यांमध्ये उत्साह

लाईव्ह महराष्ट्र न्यूज नेटवर्क | दि.२६  

छत्रपती संभाजी नगर | कृषी उत्पन्न बाजार समितीचे संचालक तथा जिल्हा मध्यवर्ती बँकेचे माजी संचालक, नगरसेवक अभिजित भास्करराव देशमुख यांची राष्ट्रवादी काँग्रेसच्या शहराध्यक्षपदी नियुक्ती करण्यात आली. राज्याचे उपमुख्यमंत्री अजित पवार, राष्ट्रवादी काँग्रेस पार्टीचे प्रदेशाध्यक्ष सुनील तटकरे, आमदार सतीश चव्हाण, आर.आर. पाटील फाउंडेशन चे अध्यक्ष विनोद पाटील, यांच्या उपस्थितीत त्यांना नियुक्ती पत्र देऊन त्यांचे अभिनंदन करण्यात आले. अभिजित देशमुख यांच्या नियुक्तीने शहरातील तरुण कार्यकर्त्यामध्ये मोठा उत्साह निर्माण झाला आहे.

\

अभिजित देशमुख यांचा छत्रपती संभाजीनगरच नव्हे तर संपूर्ण मराठवाड्यात एक वेगळा जनसंपर्क आहे. महाराष्ट्रभर त्यांनी मराठा क्रांती मोर्चा च्या माध्यमातून विविध आंदोलने करून मराठा समाजाला न्याय देण्यासाठी प्रयत्न केले, तरुणांचे मोठे संघटन कौशल्य त्यांच्याकडे असून जिल्हा शिवजयंती, डॉ. बाबासाहेब आंबेडकर जयंती, जिल्हा श्री गणेश उत्सव समितीचे अध्यक्ष पद असताना त्यांनी नवरात्रोत्सव समितीच्या माध्यमातून विविध सामाजिक उपक्रम राबवून आपला वेगळा जनसंपर्क निर्माण केला आहे. नगरसेवक असताना महानगर पालिकेत त्यांनी विविध विकासकामांसाठी सभागृहात महापौर तसेच प्रशासनाला धारेवर धरून शहरातील मूलभूत प्रश्न तसेच विकास कामे मार्गी लावले आहेत. जिल्हा मध्यवर्ती बँकेच्या संचालक पदी असताना ग्रामीण भागातील शेतकऱ्यांना त्यांनी नेहमीच आर्थिक पाठबळ बँकेच्या माध्यमातून उभे करून दिले आहे. तर अभिजित देशमुख हे नुकत्याच झालेल्या छञपती संभाजी नगर कृषी उत्पन्न बाजार समितीच्या निवडणुकीत सर्वाधिक मते घेऊन निवडून येत आपले वर्चस्व बाजार समितीत त्यांनी संचालक पदावरून निर्माण केले आहे. शेतकरी, युवक तसेच सर्व समाजातील प्रत्येक व्यक्तीला सोबत घेऊन त्यांचा सर्वांगीण विकास करण्याची भावना कायम ठेवल्यामुळे, त्यांच्या या उल्लेखनीय कामगिरीची दखल घेत उपमुख्यमंत्री अजित पवार यांनी त्यांची छञपती संभाजी नगरच्या राष्ट्रवादी काँग्रेस शहराध्यक्षपदी निवड केली आहे. त्यांच्या या निवडीबद्दल त्यांचे सर्वत्र अभिनंदन होत आहे.