जिल्हा शिवजयंती समितीतर्फे उद्या क्रांती चौकात भव्य शिवजन्मोत्सव

लाईव्ह महराष्ट्र न्यूज नेटवर्क | दि.१७

छत्रपती संभाजी नगर | दि. १७ :  महाराष्ट्राचे आराध्य दैवत छत्रपती शिवाजी महाराज यांची जयंती छत्रपती संभाजीनगर जिल्हा शिवजयंती महोत्सव समीतीच्या वतीने मोठ्या उत्साहात शिवजयंती साजरी करण्यात येणार असून शिवजयंतीच्या पूर्व संध्येला उद्या मंगळवार (दि.१८) रोजी क्रांती चौकात फटाक्यांच्या आतषबाजीत भव्य दीपोत्सव साजरा करण्यात येणार आहे. यंदाचा हा “शिवजन्मोत्सव” अविस्मरणीय ठरणार असल्याचे जिल्हा शिवजयंती महोत्सवाचे अध्यक्ष डॉ. बाळासाहेब थोरात यांनी सांगितले. सायंकाळी ५.३० ते ७.०० दरम्यान भव्य दीपोत्सव, ७ ते ९ या वेळेत शिवजन्मोत्सव सोहळा, पोवाडे तर रात्री ११.३० ते ११.५५ या वेळेत भव्य दिव्य अशी फटाक्यांची आतषबाजी करण्यात येणार आहे.

जिल्हा शिवजयंती महोत्सव समितीचे संस्थापक अध्यक्ष पृथ्वीराजभाऊ पवार यांच्या मार्गदर्शनात आयोजित करण्यात आलेल्या शिवजन्मोत्सवाला १३ फेब्रुवारी रोजी वेरूळ येथील मालोजी राजे यांच्या गढीवर स्वराज्य संकल्पक शहाजीराजे स्मारक यांना अभिवादन करून गढीवर ध्वजारोहण केल्यानंतर सुरुवात करण्यात आली. १३ ते १९ फेब्रुवारी दरम्यान विविध कार्यक्रमांचे महोत्सव समितीच्या वतीने आयोजन करण्यात आले. क्रांती चौक येथे सकाळी ८.३० ते ११.३० वाजे दरम्यान दररोज छत्रपती शिवचरित्र पारायण सप्ताहाचे आयोजन करण्यात आले. प्रा. चंद्रकांत भराट यांच्या संयोजनात आयोजित या शिवचरित्र पारायण सोहळ्याचे उद्घाटन सर्व धर्मीय ग्रंथ दिंडीने करण्यात आले. या पारायण सोहळ्यात मराठी, इंग्रजी, उर्दू व सर्व माध्यमांच्या पाच हजारहून अधिक शालेय विद्यार्थ्यानी छत्रपती शिवचरित्र पारायणचे वाचन केले. तर १४ फेब्रुवारी रोजी शहरातील विविध शाळांच्या परिसरात किल्ले बनवा स्पर्धा, १५ फेब्रुवारी रोजी क्रांती चौक येथून शहरातील विविध महापुरुषांच्या पुतळ्याची साफ सफाई अभियान राबवून अभिवादन करण्यात आले. १६ फेब्रुवारी रोजी शहरातील विविध शाळांमध्ये शालेय स्तरावर चित्रकला स्पर्धांचे शाळेच्या सोयीनुसार आयोजन करण्यात आले. १७ फेब्रुवारी रोजी सायंकाळी ६ वाजता सांस्कृतिक कार्यक्रम घेण्यात आले.

क्रांती चौक येथील छत्रपती शिवाजी महाराज यांच्या पुतळ्यासमोर ध्वजारोहण करून अभिवादन…

छत्रपती संभाजीनगर जिल्हा शिवजयंती महोत्सव समितीच्या वतीने बुधवारी  (दि.१९) फेब्रुवारी रोजी सकाळी ८.३० वाजता क्रांती चौक येथील छत्रपती शिवाजी महाराज यांच्या पुतळ्यासमोर ध्वजारोहण करून अभिवादन करण्यात येणार आहे. तर दुपारी १२ ते सायंकाळी ६ वाजेदरम्यान शिवगीत व कविता वाचन होईल. तर रात्री ९.४५ ते १० वाजेदरम्यान महाराष्ट्र राज्य गीताचे सामुहिक गायन होईल तर सायंकाळी ६ ते रात्री ११.५५ दरम्यान ध्वनीक्षेपकांवर शिवगीत वाजवून विविध सांस्कृतिक कार्यक्रम स्थानिक कलावंतांच्या सहभागाने सादर होणार असल्याचे शिवजयंतीचे अध्यक्ष डॉ. बाळासाहेब थोरात यांनी सांगितले. या शिवजन्मोत्सव सोहळ्यात प्रत्येक शिवभक्तांनी सहभागी व्हावे असे आवाहन जिल्हा शिवजयंती महोत्सव समितीचे कार्याध्यक्ष अभिजीत देशमुख, नंदकुमार घोडेले, राजू शिंदे, प्रा.चंद्रकांत भराट, सुरेश वाकडे, राजेंद्र दाते पाटील, कृष्णा बनकर, नागराज गायकवाड, अभिषेक देशमुख, लक्ष्मीनारायण बाखरीया, हर्षदा शिरसाट, मकरंद कुलकर्णी, प्रभाकर मते, विजय वानखेडे, अरविंद जाधव, रामदास जाधव, मिथुन व्यास, हरीश शिंदे, अभिजित थोरात व प्रसिद्धी प्रमुख सचिन लिला सुखदेव अंभोरे यांनी केले आहे.

उद्या मनपा प्रियदर्शनी विद्यालायात भव्य चित्रकला स्पर्धा…

छत्रपती संभाजीनगर जिल्हा शिवजयंती महोत्सव समितीच्या वतीने शिवजयंती निमित्ताने मनपा प्रियदर्शनी विद्यालायात भव्य चित्रकला स्पर्धाचे आयोजन करण्यात आले असून या स्पर्धाचे उदघाटन माजी महापौर अनिता घोडेले यांच्या हस्ते मंगळवारी (दि१८) सकाळी ९ वाजता होईल. मुक्त विषय असणाऱ्या या चित्रकला स्पर्धेमध्ये ५०० हून अधिक विद्यार्थी सहभागी होणार असून यावेळी निवडक विद्यार्थी शिवगीते, पोवाडे सादर करतील याप्रसंगी प्रमुख पाहुणे म्हणून जिल्हा शिवजयंती महोत्सव समितीचे संस्थापक अध्यक्ष पृथ्वीराजभाऊ पवार, उत्सव समिती अध्यक्ष डॉ.बाळासाहेब थोरात, कार्याध्यक्ष अभिजित देशमुख, अनिल बोरसे, नंदकुमार घोडेले, मनपा उपायुक्त अंकुश पांढरे, शिक्षणाधिकारी भारत तीनगोटे, मुख्याध्यापक संजीव सोनार महिला समितीच्या कार्याध्यक्षा हर्षदा शिरसाट, शिल्पाराणी वाडकर, अभिजित थोरात, प्रसिद्धी प्रमुख सचिन लिला सुखदेव अंभोरे यांची उपस्थिती राहील. हि स्पर्धा सर्व शालेय विद्यार्थ्यांसाठी खुली असून इतर शाळेचे विद्यार्थीही या चित्रकला स्पर्धेत सहभागी होऊ शकतात असे जिल्हा शिवजयंती महोत्सव समितीने कळवले आहे.